தி.மு.க. தலைவா் கருணாநிதி உடல் நலிவுற்று இருப்பதாக மருத்துவமனை அறிக்கை வெளியிடப்பட்ட நிலையில், கோபாலபுரத்தில் உள்ள அவரது வீட்டின் முன்பு அதிகாலை வரையில் தொண்டர்கள் குவிந்திருந்தனர்.
தி.மு.க. தலைவா் கருணாநிதிக்கு கடந்த ஒன்றரை ஆண்டுகளாக வயது முதிா்வு காரணமாக அரசியலில் இருந்து ஓய்வு பெற்று வீட்டில் இருந்தவாறு மருத்துவ சிகிச்சை பெற்று வந்தாா். இந்நிலையில் காவேரி மருத்துவமனை தரப்பில் நேற்று மாலை அறிக்கை ஒன்று வெளியிடப்பட்டது.
அந்த அறிக்கையில், கருணாநிதிக்கு வயது முதிா்வு காரணமாக சிறுநீரக குழாயில் தொற்று ஏற்பட்டுள்ளது. மேலும் அவருக்கு சிறிது காய்ச்சல் உள்ளது. அவரை 24 மணி நேரமும் மருத்துவா், செவிலியா் குழு தீவிரமாக கவனித்து வருகிறது. தற்போது வீட்டிலேயே அவருக்கு தேவையான அனைத்து மருத்துவ உதவிகளும் செய்யப்பட்டு சிகிச்சை அளிக்கப்படுகிறது. கருணாநிதியின் உடல்நிலையை கருத்தில் கொண்டு யாரும் நேரில் வந்து பாா்க்க வேண்டாம்” என்று கேட்டுக்கொள்ளப்பட்டிருந்தது.
இந்நிலையில்,திமுக தலைவராக 49 ஆண்டுகளை நிறைவு செய்துள்ள, தமிழகத்தின் மூத்த அரசியல் கட்சித் தலைவர் மு.கருணாநிதி, இன்று 50வது ஆண்டில் அடியெடுத்து வைத்துள்ளார்.
கடந்த 1969ஆம் ஆண்டு ஜூலை 27ஆம் தேதி திமுகவின் முதல் தலைவராக பொறுப்பேற்றார் கருணாநிதி. அன்றிலிருந்து இன்று வரை திமுகவின் தலைவர் பொறுப்பில் உள்ள அவர் 49 ஆண்டுகள் நிறைவு பெற்று விட்டன.
முன்னாள் தமிழக முதல்வரும் திமுகவின் முன்னோடி தலைவருமான சி.என்.அண்ணாதுரைகூடதிமுக தலைவர் பொறுப்பை விகித்ததில்லை. காரணம் அந்த பதவி அவர் தனது வழிகாட்டியாக பாவித்த ஈ.வெ.ரா.பெரியாருக்கானது என்று அந்த இடத்தை காலியாகவே வைத்திருந்தார்.
இந்நிலையில், தொண்டர்களுக்கு அறிக்கை ஒன்றை விடுத்துள்ள அக்கட்சியின் செயல் தலைவர் மு.க.ஸ்டாலின், திமுக மீண்டும் ஆட்சிக்கு வர பாடுபட வேண்டும் என்று கேட்டுக்கொண்டிருக்கிறார்.
“கட்சி இதுவரை பல தடைகளை எதிர்கொண்டிருக்கிறது. 1971ஆம் ஆண்டு நடைபெற்ற சட்டப்பேரவைத் தேர்தலில் இமாலய வெற்றியை ஈட்டியது இன்று வரை முறியடிக்க முடியாத சாதனையாக உள்ளது. ஆனால் இன்று நிலைமை தலைகீழாகிவிட்டது.” என்றும் ஸ்டாலின் தன் அறிக்கையில் தெரிவித்துள்ளார்.
1977 முதல் 1989 வரை திமுக ஆட்சியில் இல்லாத 13 ஆண்டுகளிலும் திமுக தலைவர் கருணாநிதி கட்சியை கட்டுக்கோப்புடன் வைத்திருந்தார் என்றும் அவர் கூறியிருக்கிறார். “1989ஆம் ஆண்டு மீண்டும் ஆட்சிக்கு வந்த உடனேயே பல திட்டங்களைத் தீட்டியதுடன் பிற்படுத்தப்பட்ட வகுப்பினருக்கு 20% இட ஒதுக்கீட்டைப் பெற்றுத்தந்தார். ஆனால், அப்போதைய பிரதமர் ராஜீவ் காந்தி படுகொலை செய்யப்பட்டதில் திமுகவுக்குத் தொடர்பிருப்பிதாக ஆட்சி கலைக்கப்பட்டுவிட்டது.” என்றும் ஸ்டாலின் நினைவுகூர்ந்துள்ளார்.
“தேர்தல்களில் தோல்வியே காணாதவராக திகழ்பவர் திமுக தலைவர் கருணாநிதி. 13 தேர்தல்களில் பல தொகுதிகளில் போட்டியிட்டு அனைத்திலும் வெற்றி பெற்றுள்ளார். 1957ஆம் ஆண்டு முதல் முறையாக குளித்தலை தொகுதியில் போட்டியிட்டு எம்எல்ஏவாக தேர்வுசெய்யப்பட்டார். அதிலிருந்து அனைத்து தேர்தல்களில் வெற்றிவாகை சூடியுள்ளார்” எனவும் ஸ்டாலின் புகழாரம் சூட்டியுள்ளார்.
