பாகிஸ்தான் பிரதமராக முன்னாள் கிரிக்கெட் வீரர் இம்ரான் கான் கடந்த 18-ஆம் திகதி பதவியேற்றுக் கொண்டார்.
பாகிஸ்தான் தேர்தலில் இம்ரான் கான் தலைமையிலான பிடிஐ கட்சி, அதிக இடங்களில் வெற்றி பெற்று தனிப்பெரும் கட்சியாக உருவெடுத்தது. ஆனால் ஆட்சியமைக்கப் போதுமான இடங்களை அந்தக் கட்சியால் பெற முடியவில்லை. என்றாலும் மற்ற கட்சிகளின் உதவியுடன் இம்ரான் கான் ஆட்சி அமைத்தார்.புதிய பிரதமராகப் பதவியேற்றுள்ள இம்ரான் கான் 5 மிகப் பெரிய சவால்களை எதிர்நோக்கியுள்ளதாக சர்வதேச அரசியல் நோக்கர்கள் கருதுகின்றனர்.
இந்நிலையில் ஐந்து ஆண்டுகளில் நாட்டின் இரண்டாவது பிணையெடுப்புக்கான சர்வதேச நாணய நிதியத்திற்கு செல்வதா இல்லையா என்பதை செப்டம்பர் இறுதியில் முடிவு செய்வார் என கான் அமைச்சரவையின் புதிய நிதி அமைச்சர் அசத் உமர் கூறியுள்ளார்.
ஆனால் சீனாவிற்கு கடன்களை திருப்பிச் செலுத்த பாகிஸ்தான் எந்த பிணையெடுப்பு பணத்தையும் பயன்படுத்தக் கூடும் என்ற அச்சத்தை சர்வதேச நாணய நிதியத்தின் மிகப்பெரிய நன்கொடையாளர்களில் ஒன்றான அமெரிக்கா எழுப்பியுள்ளது.
எனினும் பாகிஸ்தான் இதை மறுத்துள்ளது.வரவுசெலவுத் திட்டப் பற்றாக்குறை கடந்த ஐந்து ஆண்டுகளில் தொடர்ந்து அதிகரித்து வந்துள்ளது. மற்றும் வெளிநாட்டு நாணய இருப்பு குறைந்து காணப்படுகிறது. பணவீக்கத்தை தூண்டி, ரூபாய் மீண்டும் மீண்டும் குறைந்து வருகிறது.
இந்நிலையில் கான் இந்தியாவுடன் வர்த்தகத்தை மேம்படுத்தவும், வரி வசூல் அதிகரிக்கவும் உறுதிபூண்டிருக்கிறார். ஆனால் அவரது ‘இஸ்லாமிய நலன்புரி அரசு’, கல்வி மற்றும் சுகாதாரத்திற்கான செலவினங்களை அடிப்படையாகக் கொண்டது. சமீப காலங்களில் பாகிஸ்தானில் பயங்கரவாத தாக்குதலின் பின்னணியில் நாடு முழுவதும் பாதுகாப்பு அதிகரித்துள்ளது. ஆனால் தீவிரவாதத்தின் அடிப்படைக் காரணங்களை பாகிஸ்தான் தடுக்கவில்லை என்று ஆய்வாளர்கள் நீண்டகாலமாக எச்சரித்துள்ளனர், தேர்தல் நேரத்தில் கூட மிகப் பெரிய தாக்குதல் நடத்தப்பட்டது. இதில் 200இற்கும் மேற்பட்ட அப்பாவி மக்கள் கொல்லப்பட்டனர்.
பயங்கரவாதிகளுடன் பேச்சுவார்த்தை நடத்த விருப்பம் தெரிவித்தன் மூலம் புதிய பிரதமர் இம்ரான் கானுக்கு ‘தலிபான் கான்’ என் புனைபெயர் சூட்டினர்.
உலக வங்கி மற்றும் அரசாங்க புள்ளி விபரங்களின்படி கன்சர்வேடிவ் பாக்கிஸ்தான் அதன் வரையறுக்கப்பட்ட குடும்பத் திட்டமிடலுடன், ஆசியாவில் மிக அதிகமான பிறப்பு வீதத்தில் ஒரு பெண்ணுக்கு மூன்று குழந்தைகள் இருப்பதாக தெரிவிக்கப்பட்டுள்ளது.
ஆனால் 1960ம் ஆண்டு கணக்கெடுப்பில் இருந்ததை விட மக்கள்தொகை ஐந்து மடங்கு அதிகரித்துள்ளது. கடந்த வருடம் மக்கள் தொகை கணக்கெடுப்பின்படி இப்போது 207 மில்லியன் மக்கள் தொகை கொண்ட நாடாக பாகிஸ்தான் விளங்குகிறது. இந்த ஏற்றம் நாட்டில் பொருளாதார மற்றும் சமூக முன்னேற்றத்தை பெரிதும் பாதிக்கிறது. மேலும் நாட்டில் வளர்ச்சி வீதம் மெதுவாக இருக்குமானால் இயற்கை வளங்கள் மக்களுக்கு போதுமானதாக இருக்காது என்று நிபுணர்கள் எச்சரிக்கை விடுத்துள்ளனர்.
இந்த பிரச்சினையைத் தீர்க்க பாகிஸ்தானில் பொதுமக்களுக்கு குடும்பக் கட்டுப்பாடு குறித்து விழிப்புணர்வு ஏற்படுத்துவது குறித்து பேசப்பட்டு வருகிறது. கடந்தகாலத்தில் குடும்ப திட்டமிடல் குறித்து கான் தெளிவான நிலைப்பாட்டை எடுக்கவில்லை, எனினும் அவருடைய அரசாங்கம் மக்கள் தொகையின் வளர்ச்சியை எப்படி எதிர்கொள்ளும் என்பது தெரியவில்லை.
பாகிஸ்தான் ஒரு சுற்றுச்சூழல் பேரழிவின் விளிம்பில் உள்ளது. நீர்நிலை பற்றாக்குறைகளை அதிகாரிகள் உடனடியாகத் தீர்க்கவில்லை என்றால், 2025 அளவில் நாடு ஒரு முழுமையான பற்றாக்குறையை எதிர்கொள்ளும் என்று ஆய்வாளர்கள் கூறுகின்றனர். எனவே நீர் முகாமைத்துவம் குறித்த பொது அறிவை மக்களிடம் ஏற்படுத்த வேண்டிய அவசியம் உள்ளது. கான் சுற்றுச் சூழல் பாதுகாப்பு விடயத்தில் நிறைய சாதனைகள் படைத்துள்ளார். தனது கட்சி கோட்டையான கைபர் பாக்னுன்வா மாகாணத்தில் சுற்றுச்சூழல் குழுவுடன் இணைந்து ‘பில்லியனர் சுனாமி’ மரம்-நடும் திட்டத்தை செயல்படுத்தியுள்ளார். தேசிய அளவிலான நீர்ப்பாசன திட்டத்திற்கு அவர் அனுபவம் எப்படி பயன்படப் போகிறது என்பது தெரியவில்லை.
பாகிஸ்தான் அரை நூற்றாண்டு காலம் இராணுவ ஆட்சிக்குட்பட்டே இருந்துள்ளது. பொதுமக்கள் மற்றும் ஆயுதப்படைகளுக்கு இடையில் அதிகாரத்தின் சமநிலையற்ற தன்மை நிலவுவதால் இது ஜனநாயகம் மற்றும் சமூக முன்னேற்றத்திற்கு ஒரு தடையாக இருந்தது எனத் தெரிவிக்கப்பட்டது. 2013 ஆம் ஆண்டில் முதல் ஜனநாயக மாற்றத்தை நாட்டிற்குக் கொண்டு வந்தபோது, நம்பிக்கை அதிகரித்தது.
ஆனால் பின்னர், இராணுவ தளபதிகள் மற்றும் மூன்று முறை பிரதமரான நவாஸ் ஷெரிப்பிற்கும் இடையே பதற்றங்கள் அதிகரித்தன. இதையடுத்து ஷெரீப், 2017 இல் அகற்றப்பட்டு ஜூலை மாதம் ஊழல் குற்றச்சாட்டில் கைது செய்யப்பட்டார், தன்னையும் தனது கட்சியையும் இராணுவம் இலக்கு வைத்து தாக்குவதாக கூறியுள்ளார். இந்த குற்றச்சாட்டுகளை இராணுவம் மறுத்துள்ளது.
இந்நிலையில் புதிதாக பதவியேற்றுள்ள கான், பிறரின் எந்த உதவியும் இல்லாமல் தான் தேர்ந்தெடுக்கப்பட்டுள்ளதாகவும் “இந்த நாடாளுமன்றத்தில் என் சொந்த காலில் நிற்கிறேன்” என்றும் கூறினார். எனினும் நாட்டில் தற்போது ஒரு மென்மையான அதிகார சமநிலை இல்லாத நிலையில் அவர் தனது அனைத்து சவால்களையும் சமாளித்து எப்படி செயல்படப் போகிறார் என்பதை சர்வதேச நாடுகள் அவதானித்து வருகின்றன.
திருமலை சோமு
