புரட்டாசி மாத ராசிபலன்கள்- உங்களுடைய ராசிக்கு எப்படி?

மேஷம்

கொள்கை கோட்பாடுகளை விட்டுக் கொடுக்காத நீங்கள் தனி மனித ஒழுக்கம் நிறைந்தவர்களாக இருப்பீர்கள். அசைக்க முடியாத தெய்வ பக்தி உங்களிடம் எப்போதும் உண்டு. உங்களின் பூர்வ புண்யாதிபதியான சூரியன் இந்த மாதம் முழுக்க 6ம் வீட்டில் வலுவாக அமர்ந்திருப்பதால் வழக்கில் சாதகமான தீர்ப்பு வரும். அரசால் அனுகூலம் உண்டு. பழைய கடனில் ஒரு பகுதியை பைசல் செய்ய வழி பிறக்கும். பூர்வீக சொத்துப் பிரச்னை சுமுகமாகும். மகனுக்கு வெளிமாநிலம் அல்லது வெளிநாட்டில் வேலை கிடைக்க வாய்ப்பிருக்கிறது. பிள்ளைகளின் வாழ்க்கைத் தரம் வசதி, வாய்ப்புகள் உயரும். குலதெய்வக் கோயிலை புதுப்பிப்பீர்கள். 1ம் தேதி வரை புதன் 6ல் மறைந்திருப்பதால் உறவினர்கள், நண்பர்களுடன் கருத்து மோதல்கள் வரும். ஆனால் 2ம் தேதி முதல் புதன் 7ம் வீட்டில் அமர்வதால் உறவினர், நண்பர்களுடன் இருந்து வந்த கருத்து மோதல்கள் விலகும். தொண்டை வலி, காது வலி குறையும்.

சுக்கிரன் ராசிக்கு 7ல் ஆட்சி பெற்று அமர்ந்து உங்கள் ராசியைப் பார்த்துக் கொண்டிருப்பதால் உற்சாகம் கரைபுரளும். உங்களின் அணுகுமுறையை மாற்றுவீர்கள். இளைய சகோதரிக்கு கல்யாணம் கூடி வரும். கணவன்மனைவிக்குள் அன்யோன்யம் பிறக்கும். மகனுக்கு நல்ல வேலை கிடைக்கும். இழுபறியாக இருந்த வழக்குகளில் நல்ல மாற்றம் ஏற்படும். வாழ்க்கைத் துணை வழி உறவு வகையில் ஏற்பட்ட பிணக்குகள் தீரும். 3ம் தேதி வரை குருபகவான் 7ம் வீட்டில் நிற்பதால் வி.ஐ.பிகள் மத்தியில் செல்வாக்கையும், கௌரவத்தையும் தரும். ஆனால் 4ம் தேதி முதல் குரு 8ல் மறைவதால் செலவினங்களும், அலைச்சல்களும் அதிகரிக்கும். அரசியல்வாதிகளே! தலைமைக்கு நெருக்கமாவீர்கள். சகாக்கள் மத்தியில் இழந்த செல்வாக்கை மீண்டும் பெறுவீர்கள். மாணவர்களே! விளையாட்டைக் குறையுங்கள். படிப்பில் தீவிரம் காட்டுங்கள். அறிவியல் பாடத்தில் அதிக கவனம் செலுத்துவது நல்லது.

கன்னிப் பெண்களே! உற்சாகமாக இருப்பீர்கள். உயர்கல்வியில் வெற்றி உண்டு. வேலைக்கு விண்ணபித்திருந்தவர்களுக்கு வேலை கிடைக்கும். காதல் விவகாரத்தில் இருந்து வந்த பிரச்னைகள் தீரும்.வியாபாரத்தில் பழைய பாக்கிகள் வசூலாகும். தேங்கிக் கிடந்த பழைய சரக்குகளையும் விற்றுத் தீர்ப்பீர்கள். அதிரடி சலுகை திட்டங்கள் மூலமாக வருவாய் கூடும். பங்குதாரர்கள் வழக்கம் போல் முணுமுணுப்பார்கள். பகைத்துக் கொள்ளாதீர்கள். வேலையாட்களையும் விட்டுப் பிடிப்பது நல்லது. உத்யோகத்தில் உங்கள் கை ஓங்கும். அதிகாரிகள் உங்களுக்கு ஆதரவாக இருப்பார்கள். என்றாலும் செவ்வாயுடன், கேதுவும் சேர்ந்து 10ல் நிற்பதால் நன்றி மறந்த சக ஊழியர்களை நினைத்து கொஞ்சம் ஆதங்கப்படுவீர்கள். சிலர் தங்களின் ஆதாயத்திற்காக உங்களைப் பற்றிய தவறான வதந்திகளைப் பரப்புவார்கள். விவசாயிகளே! மகசூல் பெருகும். பூச்சித் தொல்லை குறையும். கலைத்துறையினரே! பிறமொழி வாய்ப்புகளால் பயனடைவீர்கள். போராட்டங்களைக் கடந்து புத்துயிர் பெறும் மாதமிது.

ராசியான தேதிகள்: செப்டம்பர் 18, 19, 20, 21, 22, 23, 30 மற்றும் அக்டோபர் 1, 2, 3, 8, 9, 11, 17.

சந்திராஷ்டமம்: செப்டம்பர் 17ம் தேதி காலை 9மணி வரை மற்றும் அக்டோபர் 12ம் தேதி காலை 7.28 மணி முதல் 13,14ம் தேதி மாலை 4.13 வரை.

பரிகாரம்: ஸ்ரீவாஞ்சியம் சிவபெருமானை தரிசித்து வரவும். முதியோருக்கு அன்னதானம் செய்யவும்.

ரிஷபம்

தீவிரமாக யோசித்து மிதமாகச் செயல்படும் நீங்கள், பிறர் செய்யும் தவறுகளைச் சுட்டிக்காட்டி நல்வழிப்படுத்துவதில் வல்லவர்கள். 5ம் வீட்டில் சூரியன் அமர்ந்திருப்பதால் பூர்வீக சொத்துப் பிரச்னை சம்பந்தமாக அவசரப்பட்டு நீதிமன்றம் செல்லாமல் கொஞ்சம் பேசி தீர்க்க முயற்சி செய்யுங்கள். பிள்ளைகளை அவர்களின் போக்கிலேயே விட்டுப் பிடிப்பது நல்லது. உங்களின் தனபூர்வ புண்யாதிபதியான புதன் 1ம் தேதி வரை சாதகமாக இருப்பதால் பிள்ளைகளால் மகிழ்ச்சி உண்டு. ஆனால் 2ம் தேதி முதல் புதன் 6ம் வீட்டில் சென்று மறைவதால் பிள்ளைகளின் உத்யோகம், திருமணம் சம்பந்தப்பட்ட கவலைகள் வந்து நீங்கும். நெருங்கிப் பழகிக் கொண்டிருக்கும் உறவினர், நண்பர்களுடன் விரிசல்கள் வரக்கூடும். முன்கோபத்தாலும் சிலரின் நட்பை இழக்க நேரிடும். மூச்சுத் திணறல் ஏற்படக்கூடும். எனவே மூச்சுப் பயிற்சி மேற்கொள்ளுங்கள்.

சுக்கிரன் உங்கள்ராசிக்கு 6ல் மறைந்திருப்பதால் மனைவியின் உடல் நிலை பாதிக்கும். மனைவிக்கு மாதவிடாய்க் கோளாறு, கழுத்து வலி, முதுகு வலி வந்து போகும். சிறுசிறு வாகன விபத்துகள் ஏற்படும். வீடு கட்டுவதற்கு அனுமதி தாமதமாக கிடைக்கும். 3ம் தேதி வரை 6ம் வீட்டில் அமர்ந்து உங்களை அலைக்கழித்தார். கடன் பிரச்னையை ஏற்படுத்தினார். பிள்ளைகளாலும் பிரச்னைகள் என்று பல்வேறு சிக்கல்களை ஏற்படுத்திக் கொண்டிருக்கும் குருபகவான் 4ம் தேதி முதல் ராசிக்கு 7ம் வீட்டில் வந்தமர்வதால் எதிலும் வெற்றி கிடைக்கும். மகிழ்ச்சி உண்டாகும். பணப்புழக்கம் அதிகரிக்கும். கணவன்மனைவிக்குள் இருந்து வந்த பனிப்போர், ஈகோ பிரச்னைகள் நீங்கும். பிரிந்திருந்தவர்கள் ஒன்று சேரும் அமைப்பு உண்டாகும். பிள்ளைகள் மீது இருந்து வந்த வெறுப்பு விலகும்.என்றாலும் அஷ்டமத்துச் சனி தொடர்வதால் யாருக்கும் ஜாமீன், கேரண்டர் கையெழுத்திட வேண்டாம்.

அரசியல்வாதிகளே! கோஷ்டி பூசலில் சிக்க வேண்டாம். தலைமைக்கு நெருக்கமானவர்களுடன் வளைந்து கொடுத்துப்போவது நல்லது. மாணவர்களே! கணிதம், ஆங்கிலப் பாடங்களில் அதிக கவனம் செலுத்துங்கள். நல்லவர்களுடன் பழகுங்கள். கூடாப்பழக்க வழக்கமுள்ளவர்களின் நட்பை முற்றிலுமாகத் தவிர்த்துவிடுங்கள். வகுப்பறையில் பின்வரிசையில் அமர வேண்டாம். கன்னிப் பெண்களே! காதல் விவகாரத்தை தள்ளி வைத்துவிட்டு உயர்கல்வியில் கவனம் செலுத்துங்கள். காதல் விஷயத்தில் ஏமாற்றங்களும், கவலைகளும் வந்து நீங்கும். வியாபாரத்தில் அவசரப்பட்டு பெரிய முதலீடுகள் வேண்டாம். புதிய வேலையாட்களை நம்பி பெரிய பொறுப்புகளை ஒப்படைக்காதீர்கள். பங்குதாரர்கள் பயனுண்டு. உத்யோகத்தில் செல்வாக்கு அடைவீர்கள். பெரிய பொறுப்புகள் உங்களை நம்பி ஒப்படைக்கப்படும். உங்களுடைய திறமைகளை வெளிப்படுத்த நல்ல வாய்ப்புகளும் கிட்டும். உத்யோகம் சம்பந்தப்பட்ட வழக்கில் வெற்றி கிடைக்கும். எதிர்பார்த்து ஏமாந்த இடமாற்றம் இப்போது வரும். கலைத்துறையினரே! புதிய வாய்ப்புகளால் உற்சாகமடைவீர்கள். ஆனால் கிசுகிசு தொல்லைகள் வந்து போகும். விவசாயிகளே! பூச்சித் தொல்லை அதிகரிக்கும். பக்கத்து நிலக்காரருடன் வாய்க்கால், வரப்பு தகராறு வந்து நீங்கும். யதார்த்தமான முடிவுகளால் எதிர்ப்புகளை முறியடித்து முன்னேறும் மாதமிது.

ராசியான தேதிகள்: செப்டம்பர் 23, 24, 25, 26, 27, 28, 30, 31 மற்றும் அக்டோபர் 1, 2, 3, 4, 9, 10, 13.

சந்திராஷ்டமம்: செப்டம்பர் 17ம் தேதி காலை 9மணி முதல் 18, 19ம் தேதி இரவு 8.03மணி வரை மற்றும் அக்டோபர் 14ம் தேதி மாலை 4.13 மணி முதல் 15, 16ம் தேதி வரை.

பரிகாரம்: செங்கல்பட்டிற்கு அருகேயுள்ள திருவடிசூலம் பைரவரை தரிசிக்கவும். பக்தர்களுக்கு பழவகைகளை தானமாகத் தரவும்.

மிதுனம்

மற்றவரின் மன ஓட்டத்தை நாடி பிடித்துப் பார்ப்பதில் வல்லவர்களான நீங்கள் எங்கும், எதிலும் அழகுணர்வையே விரும்புவீர்கள். இந்த மாதம் முழுக்க சூரியன் 4ம் வீட்டில் இருப்பதால் வேலை தேடிக் கொண்டிருந்தவர்களுக்கு வேலை கிடைக்கும். குழப்பமான விஷயங்களில் தெளிவு பிறக்கும். பெரிய முடிவுகளெல்லாம் தைரியமாகவும் தன்னிச்சையாகவும் எடுப்பீர்கள். வீடு வாங்குவது நல்ல விதத்தில் முடிவடையும். ராசிநாதன் புதன் சாதகமான வீடுகளில் செல்வதால் சவாலான காரியங்களைக் கூட எளிதாக முடித்துக் காட்டுவீர்கள். உங்களை எதிர்த்தவர்கள் அடங்குவார்கள். அடிப்படை வசதி, வாய்ப்புகள் கொஞ்சம் உயரும். என்றாலும் கண்டகச் சனி நடைபெற்றுக் கொண்டிருப்பதால் மற்றவர்கள் குடும்ப விவகாரத்தில் அத்துமீறி மூக்கை நுழைக்க வேண்டாம். சாலை விதிகளை மதித்து நடந்து கொள்ளுங்கள். உங்கள் பூர்வபுண்யாதிபதி சுக்கிரன் 5ல் ஆட்சிபெற்றிருப்பதால் குடும்பத்தில் மகிழ்ச்சி, மனநிறைவு எல்லாம் உண்டு.

குழந்தை இல்லாதவர்களுக்கு குழந்தை பாக்யம் உண்டாகும். மகளின் திருமணத்தை சிறப்பாக நடத்துவீர்கள். மகனுக்கு அண்டை மாநிலத்தில் வேலை கிடைக்கும். பழைய கடனை பைசல் செய்ய வழி பிறக்கும். உங்கள் ராசிக்கு 5ம் வீட்டில் அமர்ந்து ஓரளவு நல்ல பலன்களை தந்து கொண்டிருக்கும் குருபகவான் 4ம் தேதி முதல் 6ல் சென்று மறைவதால் சிறு சிறு அவமானங்கள், வீண் பழிகள் வந்து நீங்கும். கல்வி, உத்யோகத்தின் பொருட்டு பிள்ளைகளைப் பிரிய வேண்டி வரும். அரசுக்கு செலுத்த வேண்டிய வரிகளில் தாமதம் வேண்டாம். அரசியல்வாதிகளே! உங்கள் புகழ் கூடும். தொகுதி மக்கள் மத்தியில் செல்வாக்கு உயரும். மாணவர்களே! படிப்பில் மட்டுமல்லாமல் விளையாட்டு, கலைப் போட்டிகளிலும் பரிசு, பாராட்டுகள் பெறுவீர்கள். மதிப்பெண் கூடும். கன்னிப் பெண்களே! வேலை கிடைக்கும். உயர்கல்வியில் முன்னேறுவீர்கள். அலர்ஜி, சளித் தொந்தரவு குறையும். நல்ல வரன் அமைய வாய்ப்பிருக்கிறது.

வியாபாரத்தில் சில மாற்றங்கள் செய்வீர்கள். மற்றவர்களை நம்பி இனி முதலீடுகள் செய்யக் கூடாது என்ற முடிவுக்கு வருவீர்கள். உங்களுக்கு அனுபவமுள்ள துறையில் நீங்கள் இறங்குவது நல்லது. விளம்பர யுக்திகளை கையாண்டு அதிக லாபம் ஈட்டுவீர்கள். பங்குதாரர்களின் பிரச்னை குறையும். வேலையாட்களும் உங்களைப் புரிந்து கொள்வார்கள். உத்யோகத்தில் வேலைச்சுமை இருந்தாலும் அதற்கான பாராட்டும் உங்களுக்குக் கிடைக்கும். பதவி உயர்வை எதிர்பார்க்கலாம். மூத்த அதிகாரிகள் உங்களுக்கு முக்கியத்துவம் தருவார்கள். கலைத்துறையினரே! யதார்த்தமான படைப்புகளால் வெற்றி பெறுவீர்கள். விவசாயிகளே! வற்றிய கிணறு சுரக்கும். புதிய சாகுபடி திட்டத்தில் சேர்ந்து மாற்று பயிர்களால் ஆதாயமடைவீர்கள். சுற்றுப்புற சூழ்நிலையை உணர்ந்து செயல்பட வேண்டிய மாதமிது.

ராசியான தேதிகள்: செப்டம்பர் 17,18,23,24 ,25,26 மற்றும் அக்டோபர் 2, 3, 4, 5, 10, 11, 12, 13 ,14, 15.

சந்திராஷ்டமம்: செப்டம்பர் 19ம் தேதி இரவு 8.03 மணி முதல் 20, 21ம் தேதி வரை மற்றும் அக்டோபர் 17ம் தேதி வரை.

பரிகாரம்: அருகிலுள்ள பெருமாள் ஆலயத்திற்கு புதன் கிழமைகளில் சென்று தரிசித்து துளசி சாத்தவும். கண் பார்வை இழந்தோர்க்கு இயன்ற உதவியை செய்யவும்.

கடகம்

நிறை குறைகளை அலசி ஆராய்ந்து யாரையும் துல்லியமாக கணிக்கும் நீங்கள் மற்றவர்களின் உணர்வுக்கு மதிப்புக் கொடுப்பவர்கள். உங்களின் தனாதிபதியான சூரியன் 3ம் வீட்டில் நுழைந்திருப்பதால் இந்த மாதம் உங்களுக்கு பரபரப்பாக இருக்கும். திடீர் திருப்பங்கள் உண்டாகும். வி.ஐ.பிகள் அறிமுகமாவார்கள். கணவன்-மனைவிக்குள் நெருக்கம் அதிகரிக்கும். தினந்தோறும் எதிர்பார்த்து ஏமாந்த தொகை கைக்கு வரும். அதிகாரப் பதவியில் இருப்பவர்களால் ஆதாயம் உண்டு. எதிர்ப்புகள் விலகும். வழக்குகள் சாதகமாகும். புதனும் சாதகமான வீடுகளில் செல்வதால் நண்பர்கள் ஆதரவாக இருப்பார்கள். புண்ணிய ஸ்தலங்களுக்குச் சென்று வருவீர்கள். உறவினர், நண்பர்கள் வீட்டு கல்யாணம், காதுகுத்து விசேஷங்களை முன்னின்று நடத்துவீர்கள். சனிபகவான் 6ம் வீட்டில் அமர்ந்திருப்பதால் எவ்வளவு பிரச்னைகள் வந்தாலும் சமாளித்து வெற்றி பெறுவீர்கள். வழக்கு சாதகமாக முடியும். குடும்ப வருமானம் உயரும்.

பழைய பெரிய பிரச்னைகள் தீரும். ஆனால் சின்னச் சின்ன பிரச்னைகள் இருக்கத் தான் செய்யும். கடந்த ஓராண்டு காலமாக உங்கள் ராசிக்கு 4ம் வீட்டில் அமர்ந்து உங்களை பாடாய்ப்படுத்திக் கொண்டிருக்கும் குருபகவான் 04ம் தேதி முதல் 5ம் வீட்டில் அமர்வதால் விரக்தியிலிருந்து விடுபடுவீர்கள். தாழ்வுமனப்பான்மை, முன்கோபம், எதிலும் ஆர்வமில்லாமல் இருந்த நிலையெல்லாம் மாறும். குழந்தை பாக்யம் கிடைக்கும். எப்போதும் சண்டை, சச்சரவு என்று மோதிக் கொண்டிருந்த, அவ்வப்போது பிரிந்து பிறகு சேர்ந்துக் கொண்டிருந்த கணவன்மனைவிக்குள் இனி அன்யோன்யம் அதிகரிக்கும். அரசியல்வாதிகளே! மேல்மட்டத்தில் மதிக்கப்படுவீர்கள். புதிய பொறுப்புகள், பதவிகள் கிடைக்கும். தொகுதி மக்களை மறந்துவிடாதீர்கள். மாணவர்களே! படிப்பில் கூடுதல் கவனம் செலுத்துங்கள். விளையாடும் போது சிறுசிறு காயங்கள் ஏற்படக்கூடும். கெட்ட நண்பர்களை தவிர்த்துவிடுங்கள்.

கன்னிப் பெண்களே! காதல் கனிந்து வரும். பெற்றோரின் ஒத்துழைப்பு கிடைக்கும். பள்ளி, கல்லூரி கால தோழியை சந்திப்பீர்கள். வியாபாரத்தில் ரெட்டிப்பு லாபம் உண்டு. புதிய வாடிக்கையாளர்களால் உற்சாகமடைவீர்கள். பழைய பாக்கிகள் வசூலாகும். கடையை விரிவுபடுத்துவீர்கள். புது வேலையாட்களை பணியில் அமர்த்துவீர்கள். ஆனாலும் 7ல் செவ்வாயும்,கேதுவும் நிற்பதால் வேலையாட்களால் வியாபார ரகசியங்கள் கசியாமல் பார்த்துக் கொள்ளுங்கள். அனுபவமிக்க வேலையாட்களை தக்க வைத்துக் கொள்ளுங்கள். கட்டிட உதிரி பாகங்கள், உணவு வகைகளால் லாபமடைவீர்கள். உத்யோகத்தில் வேலைச்சுமை இருந்து கொண்டேயிருக்கும். கூடுதல் நேரம் ஒதுக்கி உழைத்தாலும் ஒரு அங்கீகாரமோ, ஆறுதலான வார்த்தையோ இல்லையே என ஆதங்கப்பட்டுக் கொள்வீர்கள். சிலருக்கு வெளிநாட்டு வாய்ப்புகள் வரும். கலைத்துறையினரே! உங்களின் கலைத்திறன் வளரும். பழைய நிறுவனங்களிலிருந்து அழைப்பு வரும். விவசாயிகளே! பூச்சித் தொல்லை, எலித்தொல்லை குறையும். நவீன உரங்களை பயன்படுத்தி முன்னேறுவீர்கள். தன்னம்பிக்கையாலும், தளராத உழைப்பாலும் வெற்றி பெறும் மாதமிது.

ராசியான தேதிகள்: செப்டம்பர் 17, 18, 19, 20, 25, 26, 27, 28 மற்றும் அக்டோபர் 4, 5, 6, 15, 16

சந்திராஷ்டமம்: செப்டம்பர் 22, 23, 24ம் தேதி மாலை 6.25 மணி வரை.

பரிகாரம்: கும்பகோணத்திற்கு அருகேயுள்ள பட்டீஸ்வரம் துர்க்கையை தரிசித்து விட்டு வரவும். ஏழைக் குழந்தைகளின் கல்விச் செலவிற்கு உதவுங்கள்.

சிம்மம்

புலி பசித்தாலும் புல்லைத் தின்னாது என்பது போல் தன்மான சிங்கங்களாய் விளங்கும் நீங்கள் அனாவசியமாக யாருக்கும் தலைவணங்க மாட்டீர்கள். சுக்கிரன் ராசிக்கு 3ம் வீட்டில் அமர்ந்திருப்பதால் குடும்பத்தில் அமைதியுண்டாகும். கணவன்-மனைவிக்குள் இருந்து வந்த ஈகோ, பனிப்போர் மறையும். சந்தேகத்தால் பிரிந்தவர்கள் ஒன்று சேர்வீர்கள். திடீர் பணவரவு அதிகரிக்கும். பழைய கடனை தீர்ப்பீர்கள். ராசிநாதன் சூரியன் 2ல் நிற்பதால் கண் வலி, பல் வலி வந்து போகும். யதார்த்தமாகப் பேசி அவ்வப்போது சிக்கிக் கொள்வீர்கள். புதனும் சாதகமான வீடுகளில் செல்வதால் பணவரவு உண்டு. பெரிய பதவியில் இருப்பவர்களின் தொடர்பு கிடைக்கும். நட்பு வட்டம் விரியும். விலை உயர்ந்த ஆபரணங்கள் வாங்குவீர்கள். வீடு கட்டும் பணியில் இருந்த தேக்க நிலை மாறும். பண உதவியும் கிடைக்கும். உங்கள் ராசிக்கு 3ம் வீட்டில் அமர்ந்து புதிய முயற்சிகளில் தடைகளையும், பிரச்னைகளையும் ஏற்படுத்திக் கொண்டிருக்கும் குருபகவான் 4ம் தேதி முதல் 4ம் வீட்டில் அமர்வதால் சின்னச் சின்ன தடைகள் நீங்கும்.

ஆனால் தாயாரின் உடல் நிலை பாதிக்கும். வீடு, வாகனப் பராமரிப்புச் செலவுகள் அதிகரிக்கும். செவ்வாயும், கேதுவும் 6ல் வலுவாக நிற்பதால் தைரியமாக முக்கிய முடிவுகள் எடுப்பீர்கள். பழைய பிரச்னைகளுக்கு தீர்வு கிடைக்கும். சகோதர வகையில் இருந்து வந்த பிணக்குகள் நீங்கும். சொத்து வாங்குவது, விற்பதில் நிலவி வந்த இழுபறி நிலை மாறும். அரசியல்வாதிகளே! அநாவசியமாக யாருக்காகவும் வாக்குறுதி தர வேண்டாம். அதை நிறைவேற்ற போராட வேண்டியிருக்கும். மாணவர்களே! பொது அறிவுத் திறனை வளர்த்துக் கொள்வீர்கள். பெற்றோர் உங்களின் தேவைகளைப் பூர்த்தி செய்வார்கள். கன்னிப் பெண்களே! கூடுதல் மொழி கற்றுக் கொள்ள முயற்சி செய்வீர்கள். உயர்கல்வியில் நாட்டம் அதிகரிக்கும்.

சிலருக்கு திருமணம் கூடி வரும். வியாபாரத்தில் சில முக்கிய முடிவுகள் எடுப்பீர்கள். வாடிக்கையாளர்களின் ரசனையைப் புரிந்து கொள்வீர்கள். புது ஏஜென்சி எடுப்பீர்கள். வேலையாட்களின் குறை, நிறைகளை சுட்டிக் காட்டி அன்பாக திருத்துங்கள். ரியல் எஸ்டேட், ஸ்டேஷனரி வகைகளால் ஆதாயமடைவீர்கள். பங்குதாரர்கள் உங்கள் ஆலோசனையை ஏற்றுக் கொள்வார்கள். உத்யோகத்தில் உங்களுடைய தொலை நோக்குச் சிந்தனைக்கு பாராட்டுகள் கிடைக்கும். சக ஊழியர்களின் ஆதரவால் தேங்கிக் கிடந்த பணிகளை விரைந்து முடிப்பீர்கள். எதிர்பார்த்த சலுகைகள் கிடைக்கும். கலைத்துறையினரே! மூத்த கலைஞர்களிடம் சில நுணுக்கங்களை கற்றுத் தெளிவீர்கள். விவசாயிகளே! எதிர்பார்த்த பட்டா வந்து சேரும். புதிதாக ஆழ்குழாய் கிணறு அமைப்பீர்கள். சுப நிகழ்ச்சிகளால் வீடு களைக்கட்டும். சாதுர்யமான பேச்சால் சாதித்துக் காட்டும் மாதமிது.

ராசியான தேதிகள்: செப்டம்பர் 19, 20, 21, 27, 28, 29, 30 மற்றும் அக்டோபர் 8, 9, 15, 16.

சந்திராஷ்டமம்: செப்டம்பர் 24ம் தேதி மாலை 6.25மணி முதல் 25,26ம் தேதி வரை.

பரிகாரம்: கடலூருக்கு அருகேயுள்ள திருவஹிந்திரபுரம் ஹயக்ரீவரை தரிசித்து வாருங்கள். மரக்கன்று நட்டு பராமரியுங்கள்.

கன்னி

தன்னலமின்றி பொது நலத்துடன் சிந்தித்து செயல்படுவதில் வல்லவர்களான நீங்கள் சில சமயங்களில் புரட்சிகரமாகவும், புதுமையாகவும் சிந்திப்பீர்கள். உங்கள் ராசிநாதனான புதனும், பிரபல யோகாதிபதியுமான சுக்கிரனும் சாதகமான வீடுகளில் செல்வதால் தொட்டது துலங்கும். எதிர்பார்த்த வகையில் பணம் வரும். குடும்பத்தில் உங்கள் வார்த்தைக்கு மதிப்புக் கூடும். வீடு, மனை வாங்குவீர்கள். வீட்டை வாஸ்துப்படி சரி செய்து கட்டுவீர்கள். பழுதான வாகனத்தை மாற்றுவீர்கள். பழைய பிரச்னைகளுக்கு மாறுபட்ட அணுகுமுறை மூலம் தீர்வு காண்பீர்கள். உங்களின் இங்கிதமானப் பேச்சு எல்லோரையும் கவரும். உறவினர் எதிர்பார்ப்புகளுடன் பேசுவார்கள். பால்ய நண்பர்களை சந்தித்து மகிழ்வீர்கள். ஆனால் ராசிக்குள் சூரியன் நிற்பதால் முன்கோபம், கண் எரிச்சல், அடி வயிற்றில் வலி வந்து போகும். அரசு காரியங்கள் தாமதமாக முடியும். திடீர் பயணங்களாலும், செலவுகளாலும் திணறுவீர்கள்.

அர்த்தாஷ்டமச் சனி நடைபெறுவதால் முக்கிய விஷயங்களை இடைத்தரகர்களை நம்பி ஏமாறாமல் நீங்களே நேரடியாக சென்று முடிப்பது நல்லது. மற்றவர்கள் விஷயத்தில் அத்துமீறி மூக்கை நுழைக்காதீர்கள். தாயாரின் உடல் நிலை பாதிக்கும். தாயாருடன் சின்னச் சின்ன மனத்தாங்கல் வரும். நீங்கள் முன்பு போல் இல்லை என்று தாயார் வருத்aதப்படுவார். வாகனத்தை வேகமாக இயக்க வேண்டாம். உங்கள் ராசிக்கு 2ம் வீட்டில் அமர்ந்து ஓரளவு பணப்புழக்கத்தையும், செல்வாக்கையும் தந்த கொண்டிருக்கும் குருபகவான் 4ம் தேதி முதல் 3ம் வீட்டில் சென்று மறைவதால் அநாவசிய செலவுகளை தவிர்க்கப்பாருங்கள். மற்றவர்களை நம்பி பெரிய முடிவுகள் எடுக்க வேண்டாம். திடீரென்று அறிமுகமாகுபவர்களை வீட்டிற்கு அழைத்து வர வேண்டாம். அரசியல்வாதிகளே! தொகுதி மக்களிடம் நெருங்கி பழகுங்கள். உட்கட்சி பூசல் வெடிக்கும். மாணவர்களே! சமயோஜித புத்தியை பயன்படுத்துங்கள்.

பயணங்களின் போது பேருந்தில் படிக்கட்டில் நின்று பயணிக்க வேண்டாம். கன்னிப் பெண்களே! உங்களுக்கு இருந்து வந்த மனயிறுக்கம் நீங்கும். கூடாப்பழக்க வழக்கமுள்ளவர்களின் நட்பிலிருந்து விடுபடுவீர்கள். வியாபாரத்தை விரிவுபடுத்துவீர்கள். பழைய பாக்கிகளை நயமாகப் பேசி வசூலிப்பீர்கள். வாடிக்கையாளர்களின் எண்ணிக்கை அதிகரிக்கும். புது பங்குதாரரை சேர்ப்பீர்கள். எலக்ட்ரிக்கல், கன்ஸ்ட்ரக்‌ஷன், உணவு வகைகளில் கணிசமாக லாபம் உயரும். சூரியன் ராசிக்குள்ளேயே நிற்பதால் உத்யோகத்தில் ஓய்வின்றி உழைக்க வேண்டி வரும். நீங்கள் எவ்வளவு உழைத்தாலும் நற்பெயர் கிடைக்காது சின்ன சின்னச் குறைகளை நேரடி அதிகாரி சுட்டிக் காட்டிக் கொண்டேயிருப்பார். வேலையை விட்டு விடலாமா என்று நினைப்பீர்கள். சிறுசிறு அவமானங்களும் வந்து நீங்கும். சக ஊழியர்களால் உங்கள் பெயர் கெடாமல் பார்த்துக் கொள்ளுங்கள். கலைத்துறையினரே! உங்கள் படைப்புகளுக்கு நல்ல வரவேற்பு கிடைக்கும். விவசாயிகளே! அயராத உழைப்புக்கேற்ற பலன் கிடைக்கும். வீரியத்தை விட்டு விட்டு காரியத்தில் கவனம் செலுத்த வேண்டிய மாதமிது.

ராசியான தேதிகள்: செப்டம்பர் 21, 23, 24, 25, 26, 30 மற்றும் அக்டோபர் 2, 8, 9, 10, 11, 13.

சந்திராஷ்டமம்: செப்டம்பர் 27, 28, 29ம் தேதி காலை 8.58 மணி வரை.

பரிகாரம்: திருத்தணி முருகனை தரிசித்து வாருங்கள். ஏழைகளின் மருத்துவச் செலவிற்கு உதவுங்கள்.

துலாம்

கால நேரம் பார்க்காமல் கடமையில் கண்ணாக இருந்து கடினமாக உழைக்கும் நீங்கள், மனசாட்சிக்கு மரியாதை தருபவர்கள். ராசிநாதன் ஆட்சிபெற்று ராசியிலேயே நிற்பதால் தைரியம், தன்னம்பிக்கை பிறக்கும். அரை குறையாக நின்ற வேலைகள் முடியும். எதிர்பாராத பணவரவு உண்டு. சகோதரருக்கு திருமணம் நடக்கும். நினைத்தபடி நல்ல நிறுவனத்தில் வேலை கிடைக்கும். கணவன்மனைவிக்குள் நல்ல உறவு ஏற்படும். கோபம் தணியும். பேச்சில் இனிமை கூடும். கடன் தொல்லைகள் குறையும். சூரியன் 12ல் மறைந்திருப்பதால் இனந்தெரியாத மனக் கலக்கங்களும், எதிர்காலம் பற்றிய கவலைகளும் வந்து போகும். ஆழ்ந்த உறக்கம் இல்லாமல் போகும். அரசு காரியங்கள் தடைப்பட்டு முடியும். எதிர்பாராத பயணங்களால் அலைச்சல், செலவுகள் வந்து நீங்கும். யோகாதிபதி புதன் சாதகமாக இருப்பதால் திடீர் செலவுகள், தவிர்க்க முடியாத செலவுகள் மற்றும் தர்மசங்கடமான சூழ்நிலைகளை சமாளிக்கும் சக்தி கிடைக்கும்.

நட்பு வட்டம் விரியும். வி.ஐ.பிகளும் அறிமுகமாவார்கள். உங்கள் ராசிக்குள் அமர்ந்து ஜென்ம குருவாக இருந்து உங்களைப் பாடாய்ப்படுத்திக் கொண்டிருக்கும் குருபகவான் 4ம் தேதி முதல் ராசியை விட்டு விலகி தன ஸ்தானமான 2ம் வீட்டில் அமர்வதால் எதிலும் வெற்றி கிட்டும். அரசாங்க விஷயம் சாதகமாக முடியும். சந்தேகத்தாலும், ஈகோப் பிரச்னையாலும் பிரிந்திருந்த கணவன்மனைவி ஒன்று சேர்வீர்கள். எதிர்பார்த்து ஏமாந்த தொகை கைக்கு வரும். அரசியல்வாதிகளே! கட்சி மேலிடம் உங்களை நம்பி சில போராட்டங்களுக்கு தலைமை தாங்க வைக்கும். மாணவர்களே! கடைசி நேரத்தில் பார்த்துக்

கொள்ளலாம் என்று அலட்சியமாக இருந்துவிடாதீர்கள். அவ்வப்போது விடைகளை எழுதிப் பாருங்கள். மொழித் திறனை வளர்த்துக் கொள்ளுங்கள். கன்னிப் பெண்களே! வேற்றுமதத்தை சேர்ந்தவர்கள் நண்பர்களாக அறிமுகமாவார்கள். பெற்றோருக்கு சில ஆலோசனைகள் வழங்குவீர்கள்.

சனிபகவான் 3ல் நிற்பதால் வியாபாரத்தில் பற்று வரவு உயரும். புது யுக்திகளை கையாளுவீர்கள். வேலையாட்களிடம் கறாராக இருங்கள். வாடிக்கையாளர்கள் விரும்பி வருவார்கள். உணவு, ஷேர், ஸ்பெகுலேஷன் வகைகளால் ஆதாயம் உண்டு. இடவசதியின்றி தவித்துக் கொண்டிருந்த கடையை வேறு இடத்திற்கு மாற்றுவீர்கள். உத்யோகத்தில் எதிர்பார்த்தபடி இடமாற்றம் உண்டு. சிலருக்கு வெளிநாட்டில் வேலை கிடைக்கும். சம்பளம் உயரும். புது அதிகாரி உங்களை மதிப்பார். கண்டும் காணாமல் சென்று கொண்டிருந்த சக ஊழியர்களும் உங்களுக்கு முக்கியத்துவம் தர தொடங்குவார்கள். கலைத்துறையினரே! உங்களின் திறமையை வெளிப்படுத்த நல்ல வாய்ப்புகள் வரும். எதிர்பார்த்த சலுகைகள் கிடைக்கும். விவசாயிகளே! குறுகிய காலப் பயிர்களை தவிர்த்து விடுங்கள். கரும்பு, சவுக்கு, தேக்கு வகைகளால் லாபமடைவீர்கள். விட்டுக் கொடுத்து இலக்கை எட்டிப் பிடிக்கும் மாதமிது.

ராசியான தேதிகள்: செப்டம்பர் 17, 23, 24, 25, 26, 28, மற்றும் அக்டோபர் 2, 3, 4, 10, 11, 13.

சந்திராஷ்டமம்: செப்டம்பர் 29ம் தேதி காலை 8.58 மணி முதல் 30மற்றும் அக்டோபர் 1ம் தேதி நண்பகல் 12.59 மணி வரை.

பரிகாரம்: உங்கள் ஊரிலுள்ள ஷீர்டி பாபா கோயிலுக்குச் சென்று வாருங்கள். கட்டிடத் தொழிலாளிக்கு புது ஆடைகள் வாங்கிக் கொடுத்து உதவுங்கள்.

விருச்சிகம்

யாரையும் யாரும் மாற்ற முடியாது என்பதை அறிந்த நீங்கள், சுற்றுச் சூழலை அறிந்து பேசுவதில் வல்லவர்கள். இந்த மாதம் முழுக்க சூரியன் லாப வீட்டில் நிற்பதால் உங்களின் புகழ், கௌரவம் உயரும். புது வேலை அமையும். அரசால் ஆதாயம் உண்டு. ஷேர் மூலம் பணம் வரும். அதிகாரப் பதவியில் இருப்பவர்கள் அறிமுகமாவார்கள். விலை உயர்ந்த பொருட்கள் வாங்குவீர்கள். சொந்த ஊரில் இழந்த செல்வாக்கை மீண்டும் பெறுவீர்கள். புதன் சாதகமான நட்சத்திரங்களில் செல்வதால் திடீர் பணவரவு உண்டு. உறவினர், நண்பர்கள் ஆதரவாகப் பேசத் தொடங்குவார்கள். பூர்வீக சொத்து கைக்கு வரும். சுக்கிரன் 12ல் நிற்பதால் சமயோஜிதமாக எந்த பிரச்னையையும் சமாளிப்பீர்கள். வீடு கட்ட லோன் கிடைக்கும். வி.ஐ.பிகளின் அறிமுகம் கிடைக்கும். விரும்பியப் பொருட்களை வாங்கி மகிழ்வீர்கள். வாகனத்தில் பழுதான பாகங்களை மாற்றுவீர்கள். வேற்று மதத்தவரால் நன்மை பிறக்கும்.

கடந்த ஓராண்டு காலமாக 12ல் அமர்ந்து அலைச்சல், செலவுகள், ஏமாற்றங்களை தந்து கொண்டிரு’கும் குருபகவான் 04ம் தேதி முதல் ராசிக்குள் நுழைவதால் ஏமாற்றங்கள், வீண் பழி விலகும். ஆனால் ஜென்ம குருவாக வருவதால் கணவன்மனைவிக்குள் கருத்து வேறுபாடுகள் வரும். மனைவிக்கு மருத்துவச் செலவுகள் ஏற்படும். முன்கோபம் அதிகரிக்கும். சிலர் உங்களைக் குறைக் கூறிப் பேசுவார்கள். கொஞ்சம் கவனமாக இருங்கள். செவ்வாய் வலுவாக 3ல் நிற்பதால் சகோதரங்களால் பயனடைவீர்கள். வீடு, மனை வாங்கும் யோகம் உண்டாகும். அரசியல்வாதிகளே! தொகுதி மக்களிடையே புகழடைவீர்கள். தலைமைக்கும் நெருக்கமாவீர்கள். மாணவர்களே! மதிப்பெண் உயரும். வகுப்பாசிரியரின் பாராட்டு கிட்டும்.

கன்னிப் பெண்களே! காதல் குழப்பங்கள் தீரும். புதிய நண்பர்களின் நட்பால் மகிழ்ச்சியடைவீர்கள். வியாபாரத்தில் மாறுபட்ட அணுகுமுறையால் லாபம் ஈட்டுவீர்கள். பங்குதாரர்களுடன் இருந்த குழப்பங்கள் நீங்கும். வேலையாட்கள் கொஞ்சம் முரண்டு பிடிப்பார்கள். பூ, ஸ்டேஷனரி, மர வகைகளால் லாபமடைவீர்கள். மற்றவர்கள் சொல்வதைக் கேட்டு புது முதலீடுகள் செய்ய வேண்டாம். அனுபவமில்லாத தொழிலில் பணம் போட்டு சிக்கிக் கொள்ளாதீர்கள். சூரியன் லாப வீட்டில் நிற்பதால் உத்யோகத்தில் பதவி உயர்வு, சம்பள உயர்வு உண்டு. மூத்த அதிகாரி நெருக்கமாவார். இடம் மாற்றம் சாதகமாக அமையும். உத்யோகம் சம்பந்தப்பட்ட வழக்கில் வெற்றி பெறுவீர்கள். கலைத்துறையினரே! உங்கள் படைப்புகள் பலராலும் பாராட்டிப் பேசப்படும். விவசாயிகளே! மரப்பயிர் மற்றும் கரும்புப் பயிரால் ஆதாயம் கூடும். செல்லும் இடமெல்லாம் சிறப்பு பெறும் மாதமிது.

ராசியான தேதிகள்: செப்டம்பர் 17, 18, 19, 25, 26, 27, 28 மற்றும் அக்டோபர் 6, 7, 8, 9, 10, 15, 16, 17.

சந்திராஷ்டமம்: அக்டோபர் 1ம் தேதி நண்பகல் 12.59 மணி முதல் 2, 3ம் தேதி பிற்பகல் 3.47 மணி வரை.

பரிகாரம்: திருவண்ணாமலை மகான் யோகிராம்சுரத்குமார் அவர்களின் ஜீவசமாதிக்குச் சென்று தரிசித்து வாருங்கள். ரத்த தானம் செய்யுங்கள்.

தனுசு

இடம் பொருள் ஏவல் தெரிந்து, இனிமையாகப் பேசி காரியம் சாதிப்பதில் வல்லவர்களான நீங்கள் எதிரியானாலும் உதவும் குணமுடையவர்கள். சூரியன் இந்த மாதம் முழுக்க 10ல் நிற்பதால் வேலைக்கு விண்ணப்பித்து காத்திருந்தவர்களுக்கு நல்ல நிறுவனத்திலிருந்து அழைப்பு வரும். தந்தையார் உதவுவார். பாகப்பிரிவினை சுமுகமாக முடிவடையும். வழக்கில் வெற்றி பெறுவீர்கள். அரசால் ஆதாயம் உண்டு. ஷேர் மூலம் பணம் வரும். தந்தைவழி உறவினர்களுடன் இருந்த மோதல்கள் விலகும். எதிர்பார்த்து ஏமாந்த தொகையும் கைக்கு வரும். புதன் சாதகமாக செல்வதால் மனைவிக்கு வேலை கிடைக்கும். மனைவிவழி உறவினர்கள் மத்தியில் செல்வாக்கு உயரும். சுக்கிரன் லாப வீட்டில் அமர்ந்திப்பதால் திடீர் பணவரவு, யோகம், மனைவிவழி உதவி, வாகன வசதி என எல்லாம் கிடைக்கும். இளைய சகோதரிக்கு கல்யாணம் கூடி வரும்.

கடந்த ஓராண்டு காலமாக உங்கள் ராசிக்கு 11ம் வீட்டில் அமர்ந்து ஓரளவு பணவரவை தந்து கொண்டிருக்கும் குருபகவான் 4ம் தேதி முதல் 12ல் மறைவதால் சுபச் செலவுகள் அதிகரிக்கும். வீடு வாங்குவதற்கு வங்கிக் கடன் உதவி கிடைக்கும். நீண்ட நாளாக செல்ல வேண்டுமென்று நினைத்திருந்த அண்டை மாநிலக் கோயில்களுக்கு, புண்ணிய ஸ்தலங்களுக்குச் சென்று வருவீர்கள். வட இந்தியர்களால் உதவிகள் கிடைக்கும். அயல்நாட்டிலிருப்பவர்கள் ஆதரவாக இருப்பார்கள். ஜென்மச் சனியும் தொடர்வதால் பெரிய நோய் இருப்பதைப் போல தோன்றும். அரசியல்வாதிகளே! மாநில அளவில் பெரிய பதவிகள் கிட்டும். கன்னிப் பெண்களே! உங்கள் ரசனைக் கேற்ப நல்ல வரன் அமையும். பெற்றோரின் நீண்ட நாள் கனவுகளை நனவாக்குவீர்கள்.

மாணவர்களே! நினைவாற்றல் அதிகரிக்கும். போட்டித் தேர்வுகளில் வெற்றி பெறுவீர்கள். வியாபாரத்தில் சில தந்திரங்களை கற்றுக் கொள்வீர்கள். ஹிந்தி, கன்னட மொழியினரால் லாபம் கூடும். புது ஒப்பந்தங்கள் கையெழுத்தாகும். பழைய பாக்கிகளை இதமாகப் பேசி வசூலிப்பீர்கள். அனுபவமிக்க வேலையாட்களை பணியில் அமர்த்துவீர்கள். இரும்பு, ஸ்டேஷனரி, அழகு சாதனப் பொருட்களால் ஆதாயமடைவீர்கள். உத்யோகத்தில் உங்கள் கை ஓங்கும். தொல்லை தந்த மூத்த அதிகாரி மாற்றப்படுவார். புது வேலையும் சிலருக்கு கிடைக்கும். சம்பள பாக்கி கைக்கு வரும். இடம் மாற்றம் சாதகமாக இருக்கும். கலைத்துறையினர்களே! வருமானம் உயர வழி பிறக்கும். அரசால் ஆதாயமடைவீர்கள். விவசாயிகளே! பக்கத்து இடத்தையும் வாங்குமளவிற்கு மகசூல் பெருகும். கடன் உதவி கிடைக்கும். ஊரில் மதிப்பு, மரியாதை கூடும். முற்பகுதி முள்ளாக இருந்தாலும் பிற்பகுதி மலராகும் மாதமிது.

ராசியான தேதிகள்: செப்டம்பர் 21, 22, 23, 24, 30 மற்றும் அக்டோபர் 1, 2, 9, 10, 11, 12.

சந்திராஷ்டமம்: அக்டோபர் 3ம் தேதி பிற்பகல் 3.47மணி முதல் 4, 5ம் தேதி மாலை 6.05மணி வரை.

பரிகாரம்: நாமக்கல் அனுமனை தரிசித்து வாருங்கள். அன்னதானம் செய்யுங்கள்.

மகரம்

விடாமுயற்சியுடன் உழைத்து புகழின் உச்சிக்கே சென்றாலும் பழைய நினைவுகளை மறக்காத நீங்கள் உங்களை நாடி வருபவர்களை உயர்த்திவிடுவீர்கள். சுக்கிரன் ஆட்சிபெற்றிருப்பதால் எதிலும் மகிழ்ச்சி தங்கும். சோம்பல் நிங்கி சுறுசுறுப்படைவீர்கள். உடல்ஆரோக்யம் திருப்திகரமாக இருக்கும். குடும்பத்தில் நல்லது நடக்கும். கணவன்மனைவிக்குள் நெருக்கம் அதிகரிக்கும். குழந்தை பாக்யம் உண்டாகும். 9ல் சூரியன் நிற்பதால் தந்தையாருக்கு மூச்சுத் திணறல், மூட்டு வலி வந்துப் போகும். அரசாங்க விஷயம் தள்ளிப் போய் முடியும். அநாவசியச் செலவுகளை தவிர்க்கப் பாருங்கள். உங்கள் பாக்யாதிபதியான புதன் வலுவான வீடுகளில் செல்வதால் வி.ஐ.பிகள் அறிமுகமாவார்கள். வெளிநாடு செல்ல விசா கிடைக்கும். உறவினர்கள் மத்தியில் செல்வாக்கு கூடும். தாய்வழி உறவினர்கள் ஒத்துழைப்பார்கள். வேற்றுமதத்தவர்கள், அண்டை மாநிலத்தவர்களால் ஆதாயம் அடைவீர்கள்.

கடந்த ஓராண்டு காலமாக உங்கள் ராசிக்கு 10ல் அமர்ந்து உங்களை பலவிதத்திலும் பாடாய்ப்படுத்திக் கொண்டிருக்கும் குருபகவான் 4ம் தேதி முதல் 11ம் வீடான லாப வீட்டில் நுழைவதால் திடீர் பணவரவு உண்டு. எதிர்பார்த்து ஏமாந்த தொகை கைக்கு வரும். வங்கிக் கடன் கிடைக்கும். உத்யோகத்தில் இருந்து வந்த பிரச்னைகள் தீரும். புது வேலை கிடைக்கும். ராசிக்குள்ளேயே கேது நிற்பதால் அவ்வப்போது தலைச்சுற்றல் வரும். வேலைச்சுமையும் அதிகமாகிக் கொண்டேபோகும். சிலரை நம்பி ஏமாற வேண்டிய சூழ்நிலை உருவாகும். அரசியல்வாதிகளே! ஆதாரமில்லாமல் எதிர்க்கட்சியினர் மீது குற்றம் சாட்ட வேண்டாம். கன்னிப் பெண்களே! பெற்றோருடன் மனம் விட்டுப் பேசி மகிழ்வீர்கள். நீண்ட நாட்களாக பார்க்க நினைத்த தோழியை சந்திப்பீர்கள்.

மாணவர்களே! டி.வி. பார்த்துக் கொண்டே படிப்பது, பாட்டு கேட்டுக் கொண்டே எழுதுவது, படுத்துக் கொண்டே படிப்பதெல்லாம் இனி வேண்டாம். பொறுப்பாக படியுங்கள். வியாபாரத்தில் தேங்கிக் கிடந்த சரக்குகள் விற்றுத் தீரும். சந்தை ரகசியங்களை தெரிந்துக் கொள்வீர்கள். புது வாடிக்கையாளர்களால் உற்சாகமடைவீர்கள். கம்ப்யூட்டர், செல்போன், கட்டிட உதிரி பாகங்கள் மூலம் லாபம் அதிகரிக்கும். வேலையாட்களிடம் கண்டிப்பு காட்ட வேண்டாம். அவர்களை விட்டுப் பிடிப்பது நல்லது. பங்குதாரர்களால் மறைமுக பிரச்னைகள் வந்து நீங்கும். உத்யோகத்தில் மூத்த அதிகாரிகளுடன் இருந்த மோதல்கள் தீரும். சக ஊழியர்கள் உங்கள் வேலைகளைப் பகிர்ந்து கொள்வார்கள். வேலைச்சுமை குறையும். வேறு துறைக்கு மாற்றப்படுவீர்கள். கலைத்துறையினரே! புதுமையாக சில படைப்புகளை வெளியிட்டு அனைவரின் கவனத்தையும் ஈர்ப்பீர்கள். விவசாயிகளே! எலி, பூச்சித் தொல்லையை கட்டுப்படுத்துங்கள். வாய்க்கால், வரப்புச் சண்டைக்கு தீர்வு காண்பீர்கள். உணர்ச்சி வசப்படாமல் உள்மனசு சொல்வதை உள்வாங்கி செயல்படவேண்டிய மாதமிது.

ராசியான தேதிகள்: செப்டம்பர் 17, 18, 23, 24, 25, 26, 27, 28 மற்றும் அக்டோபர் 2, 3, 9, 10, 11, 12, 13, 14.

சந்திராஷ்டமம்: அக்டோபர் 5ம் தேதி மாலை 6.05 மணி முதல் 6, 7ம் தேதி இரவு 8.57 மணி வரை.

பரிகாரம்: கும்பகோணம் மங்களாம்பிகையை தரிசித்து வாருங்கள். கோயில் உழவாரப் பணியை மேற்கொள்ளுங்கள்.

கும்பம்

சொன்ன சொல்லை காப்பாற்றத் துடிக்கும் நீங்கள் மற்றவர்கள் நேர்மை தவறி நடப்பதை ஒருபோதும் அனுமதிக்க மாட்டீர்கள். புதன் சாதகமான வீடுகளில் செல்வதால் பிள்ளைகளின் தனித்திறமைகளைக் கண்டறிந்து ஊக்கப்படுத்துவீர்கள். படிப்பில் மட்டுமில்லாமல் விளையாட்டிலும் வெற்றி பெற உதவுவீர்கள். மகனுக்கு அயல்நாட்டில் வேலை கிடைக்கும். உயர்கல்விக்காகவும் அனுப்பி வைப்பீர்கள். சூரியன் இந்த மாதம் முழுக்க 8ல் மறைந்து நிற்பதால் மனைவிக்கு மாதவிடாய்க் கோளாறு, அடி வயிற்றில் வலி வந்து நீங்கும். திடீர் பயணங்களால் அலைச்சல் அதிகரிக்கும். அத்தியாவசியச் செலவுகள் அதிகரிக்கும். அரசு விவகாரங்களில் அலட்சியம் வேண்டாம். மனைவிவழி உறவினர்களுடன் மனஸ்தாபங்கள் ஏற்படும். பிரபல யோகாதிபதி சுக்கிரன் 9ல் ஆட்சிபெற்று அமர்ந்திருப்பதால் குடும்பத்தில் சுபநிகழ்ச்சிகள் நடக்கும். எதிர்பார்த்த வகையில் பணம் வரும்.

தடைபட்ட வேலைகளை விரைந்து முடிப்பீர்கள். குடும்பத்தில் சுபநிகழ்ச்சிகள் ஏற்பாடாகும். சாதிக்க வேண்டுமென்ற எண்ணம் வரும். பிள்ளைகளின் வருங்காலம் குறித்த கவலைகள் விலகும். குருபகவான் 3ம் தேதி வரை 9ம் வீட்டில் தொடர்வதால் திடீர் பணவரவு உண்டு. எங்கு சென்றாலும் நல்ல வரவேற்பு கிடைக்கும். மனைவிவழியில் உதவிகள் கிடைக்கும். மனைவிவழி உறவினர்களும் மதிப்பார்கள். உங்களுக்கு முக்கியத்துவம் தருவார்கள். அரசியல்வாதிகளே! தலைமையிடம் சிலர் உங்களைப் பற்றி புகார் பட்டியல் வாசிப்பார்கள். கொஞ்சம் கவனமாக இருங்கள். கன்னிப் பெண்களே! சாதிக்க வேண்டுமென்ற எண்ணம் வரும். பெற்றோரின் அரவணைப்பு அதிகரிக்கும். மாணவர்களே! விளையாட்டு, பேச்சுப் போட்டிகளிலும் பரிசு, பாராட்டுப் பெறுவீர்கள். உங்களுடன் போட்டி, பொறாமையுடன் பழகிய சில மாணவர்கள் வலிய வந்து பேசுவார்கள்.

வியாபாரத்தில் வாடிக்கையாளர்களின் எண்ணிக்கை அதிகரிக்கும். உங்கள் ரசனைக் கேற்ப கடையை விரிவுபடுத்தி, அழகுபடுத்துவீர்கள். சந்தையில் மதிக்கப்படுவீர்கள். வேலையாட்கள் உங்களிடமிருந்து தொழில் யுக்திகளை கற்றுக் கொள்வார்கள். ரியல் எஸ்டேட், கன்ஸ்ட்ரக்‌ஷன், எரி பொருள் வகைகளால் லாபமடைவீர்கள். பங்குதாரர்கள் வளைந்து வருவார்கள். உத்யோகத்தில் மூத்த அதிகாரிகள் உங்களை நம்பி முக்கிய பொறுப்புகளை ஒப்படைப்பார்கள். என்றாலும் 04ம் தேதி முதல் குரு 10ம் வீட்டில் நுழைவதால் வேலைச்சுமை அதிகரிக்கும். சங்கத்தில் பெரிய பதவிக்கு தேர்ந்தெடுக்கப்படுவீர்கள். மறுக்கப்பட்ட உரிமைகள் கிடைக்கும். சக ஊழியர்கள் மதிப்பார்கள். கலைத்துறையினரே! மலையாளம், ஹிந்தி மொழிபேசுபவரால் ஆதாயம் உண்டு. விவசாயிகளே! விளைச்சல் ரெட்டிப்பாகும். புது இடத்தில் ஆழ்குழாய் கிணறு அமைப்பீர்கள். நெல், மஞ்சள், கிழங்கு வகைகளால் லாபமடைவீர்கள். இடை

விடாத முயற்சியால் சாதித்துக் காட்டும் மாதமிது.

ராசியான தேதிகள்: செப்டம்பர் 17, 18, 25, 26, 27, 28 மற்றும் அக்டோபர் 3, 4, 5, 6, 13, 14, 15, 16.

சந்திராஷ்டமம்: அக்டோபர் 7ம் தேதி இரவு 8.57 மணி முதல் 8, 9ம் தேதி வரை.

பரிகாரம்: சிவாலய தட்சிணாமூர்த்தியை தரிசித்து வாருங்கள். சாலையோரம் வாழும் சிறார்களுக்கு இயன்ற உதவியைச் செய்யுங்கள்.

மீனம்

கடல் போல் விரிந்த மனசும், கலகலப்பாக பேசும் குணமும் உடைய நீங்கள் மனசாட்சிக்குட்பட்டு செயல்படுபவர்கள். இந்த மாதம் முழுக்க புதன் சாதகமாக இருப்பதால் தாயாரின் உடல் நிலை சீராகும். தாய்வழி உறவினர்கள் மதிப்பார்கள். புதியவரின் நட்பால் உற்சாகமடைவீர்கள். பழைய சொந்தபந்தங்கள் தேடி வந்து பேசுவார்கள். சூரியன் 7ல் நிற்பதால் மனைவிக்கு மாதவிடாய்க் கோளாறு, கண் எரிச்சல், தொண்டை புகைச்சல் வந்துப் போகும். சுக்கிரன் ராசிக்கு 8ல் மறைந்திருந்தாலும் ஆட்சி பெற்று அமர்ந்திருப்பதால் உங்களின் புதிய முயற்சிகளில் வெற்றியுண்டு. பிரபலங்கள் நட்புறவாடுவார்கள். குடும்பத்திலுள்ளவர்கள் விருப்பங்களை கேட்டறிந்து பூர்த்தி செய்வீர்கள். பிள்ளைகளின் எதிர்காலம் குறித்து முக்கிய முடிவுகளை எடுப்பீர்கள். உங்கள் ராசிக்கு 8ல் மறைந்து கொண்டு எவ்வளவு பணம் வந்தாலும் எடுத்து வைக்க முடியாதபடி செலவுகளையும், சிக்கல்களையும் தந்துக் கொண்டிருக்கும் குருபகவான் 4ம் தேதி முதல் 9ம் வீட்டில் நுழைவதால் அலைச்சல் குறையும். மகளுக்கு நல்ல வரன் அமையும். மகனுக்கும் நல்லது நடக்கும்.

பிள்ளைகளால் இருந்து வந்த பிரச்னைகள் தீரும். செவ்வாயும், கேதுவும் லாப வீட்டில் நிற்பதால் மனைவியின் உடல் நிலை சீராகும். உடன் பிறந்தவர்கள் உங்கள் நலனில் அதிக அக்கறை காட்டுவார்கள். அரைகுறையாக இருந்த வீடு கட்டும் வேலை துரிதமாகும். ரசனைக்கேற்ப வீட்டு மனையும் அமையும்.அரசியல்வாதிகளே! வீண் பேச்சில் காலம் கழிக்காமல் செயலில் ஆர்வம் காட்டுவது நல்லது. தலைமையால் அலைக்கழிக்கப்படுவீர்கள். கன்னிப் பெண்களே! பெற்றோர் உங்களைப் புரிந்து கொள்வார்கள். உயர்கல்வியில் உங்கள் கவனத்தைத் திருப்புங்கள். மாணவர்களே! கல்யாணம், காது குத்து என்று விடுப்பு எடுக்காமல் படிப்பில் முழு கவனம் செலுத்துங்கள். விளையாட்டுப் போட்டிகளில் வெற்றி பெறுவீர்கள். வியாபாரத்தில் புதுத் திட்டங்களை நடைமுறைப்படுத்துவீர்கள்.

வேலையாட்கள் அடிக்கடி விடுப்பில் செல்வார்கள். ஏற்றுமதிஇறக்குமதி, மர வகைகளால் அதிக ஆதாயமடைவீர்கள். வாடிக்கையாளர்களை அதிகப்படுத்த சில விளம்பர யுத்திகளை கையாளுவீர்கள். பங்குதாரர்கள் உங்களைப் புரிந்து கொள்ளாமல் நடந்து கொள்வார்கள். உத்யோகத்தில் மேலதிகாரியின் ஆதரவை பெறுவீர்கள். அலுவலக சூட்சுமங்கள் அத்துபடியாகும். ஆனால் சக ஊழியர்கள் உங்களைப் பற்றி விமர்சித்தாலும் அனுசரித்துப் போங்கள். கலைத்துறையினரே! பொது நிகழ்ச்சிகளுக்கு தலைமை தாங்கும் அளவிற்கு பிரபலமாவீர்கள். வர வேண்டிய சம்பள பாக்கி கைக்கு வரும். விவசாயிகளே! விளைச்சலைப் பெருக்க வேண்டுமே என்று கவலைப்படுவீர்கள். பக்கத்து நிலக்காரருடன் விட்டுக் கொடுத்துப் போங்கள். பொறுத்திருந்து செயல்பட வேண்டிய மாதமிது.

ராசியான தேதிகள்: செப்டம்பர் 17, 18, 19, 20, 21, 23, 27, 28, 30 மற்றும் அக்டோபர் 6, 7, 8, 15, 16, 17.

சந்திராஷ்டமம்: அக்டோபர் 10, 11, 12ம் தேதி காலை 7.28 மணி வரை.

பரிகாரம்: பிள்ளையார்பட்டி கற்பக விநாயகரை தரிசித்து வாருங்கள். சொந்த ஊர் கோயில் கும்பாபிஷேகத்திற்கு இயன்ற உதவியை செய்யுங்கள்.