தூக்கமின்றி தவித்த யானையை அதன் பாகன், இளையராஜாவின் பாட்டைப் பாடித் தூங்க வைக்கும் வீடியோ காட்சி சமூக வலைதளங்களில் வைரலாகி வருகிறது.
கேரளா மாநிலம் திருச்சூரைச் சேர்ந்த ஸ்ரீகுமார் என்ற பாகன் வளர்த்து வரும் யானை கடந்த சில நாட்களாக தூக்கம் இல்லாமல் தவித்து வந்தது. யானையின் தூக்க மின்மையை போக்க தாலாட்டாக ஒரு சினிமா பாடலை பாடியுள்ளார். அந்த பாடலில் மயங்கி யானை தூங்கி இருக்கிறது. இப்போது தினமும் அந்த பாடலை பாடியே யானையை ஸ்ரீகுமார் தூங்க வைக்கிறார். இந்த காட்சி தற்போது வெளியாகி உள்ளது.
இசைஞானி இளையராஜாவின் இசையில் மலையாளத்தில் மம்முட்டி நடித்து 1984ம் ஆண்டில் வெளிவந்த மங்களம் நேருன்னு என்ற படத்தில் வரும் ‘அல்லியிளம் பூவே’ என்ற பாடலை பாகன் பாடுவது குறிப்பிடத்தக்கது.
