புதுவையை சேர்ந்த பிரபல எழுத்தாளர் பிரபஞ்சன் புற்றுநோயால் பாதிக்கப்பட்டு நீண்ட நாட்களாக சிகிச்சை பெற்றுவந்த நிலையில், இன்று உடல் நலக்குறைவால் காலமானார்.
கடந்த 1945 ஆம் ஆண்டு பிறந்த பிரபஞ்சன், பத்திரிகைகள் மூலம் தனது எழுத்து பணியை தொடங்கி சுமார் 100க்கும் மேற்பட்ட புதினங்களை எழுதியுள்ளார். வானம் வசப்படும் என்ற வரலாற்று புதினத்திற்காக பிரபஞ்சனுக்கு சாகித்ய அகாதெமி விருது வழங்கப்பட்டுள்ளது.
தமிழக அரசின் விருது, புதுவை அரசின் விருது உள்ளிட்ட பல விருதுகளை பெற்றுள்ள பிரபஞ்சனுக்கு கடந்த சில மாதங்களாக புதுவை, மதகடிபட்டு தனியார் மருத்துவமனையில் அனுமதிக்கப்பட்டு சிகிச்சை அளிக்கப்பட்டு வந்த நிலையில், இன்று உடல்நிலை மோசமானதை தொடர்ந்து பிரபஞ்சன் காலமானார்.
பிரபஞ்சன் மறைவுக்கு எழுத்தாளர்களும், தமிழறிஞர்களும் இரங்கல் தெரிவித்துவருகின்றனர்.
