முல்லைத்தீவு நகர்பகுதியில் இன்று 26.04.19 காலை இடம்பெற்ற தீவிபத்து காரணமாக வீடு ஒன்று தீ பிடித்து எரிந்துள்ளது.
இந்த தீவிபத்து தொடர்பில் தெரியவருகையில்
வீட்டின் பின்பக்கம் அமைந்துள்ள வெறும் காணியில் உள்ள பனைமரகூடலில் விசமிகள் யாரே தீயினை பற்றவைத்துள்ளார்கள்.
இதன்போது பனை மரங்களில் பற்றி தீ பாரிய தீயாக பரவியபோது 50 ற்கும் மேற்பட்ட பனைமரங்கள் எரிந்துள்ளன.
காற்றில் தீ துகள் இழுத்து செல்லப்பட்டு அயலில் உள்ள வீடு ஒன்றின் மேல் விழுந்ததில் ஓலை வீடு தீப்பற்றியுள்ளதாக அயவலவர்கள் தெரிவித்துள்ளார்கள்.
குறித்த வீட்டின் கூரை முற்றாக எரிந்துள்ளதுடன் வீட்டில் இருந்த பொருட்களுகம் எரிந்துள்ளன.வீட்டில்யாரும் இல்லாத காரணத்தால் உயிர் சேதம் எதுவும் ஏற்படவில்லை
இச்சம்பவத்தினை தொடர்ந்து சம்பவ இடத்திற்கு விரைந்த பொலீசார் மற்றும் படையினர் அனர்த்த முகாமைத்துவ நிலையத்தினர் ஆகியோர் இணைந்து தீயினை கட்டுக்குள் கொண்டுவந்துள்ளதுடன் பனைமரங்கூடலுக்கு ஏற்பட்ட தீயினை அணைப்பதற்கு படையினர் மற்றும் பொலீசார் தண்ணீர் பவுசர்களில் தண்ணீர் பாச்சி தீயினை அணைத்துள்ளார்கள்.
முல்லைத்தீவு நகரில் இடம்பெற்ற இந்த சம்பவம் தொடர்பில் முல்லைத்தீவு பொலீசார் விசாரணைகளை மேற்கொண்டுள்ளார்கள்
