தமிழர் நாம் என்று
தலைக்கனத்தோடு வாழ்ந்த இனம்
தரங்கெட்ட மனிதத்தால்
தலைதெறிக்க விரட்டப்பட்ட நினைவு கூரல்
தாங்கவொணா கொடுமை பல கண்டு
எங்கள் மண் உற்றம் சுற்றம் யாவும் இழந்து
மிதிபட்டு உயிர் துறந்த எம் உறவுகளுக்கு
என் முதற்கண் அஞ்சலி……
குண்டு மழை கொடிய செயல்
வானமே அதிரும் மனித ஓலங்கள்
மறக்க முடியா நினைவுகள்
குடும்ப அட்டையில் தவறிப்போனவர்கள்
எத்தனை ஆயிரம் பேர் மண்வெட்டியின்றி
மணலால் வாரிப் புதைக்கப்பட்ட
உடல்கள் எத்தனை?…….
குப்பை போல எரிக்கப்பட்ட
உடல்கள் எத்தனை?
அத்தனையும் போதாதென்று
பாழும் கிணறு எல்லாம் மனித எச்சங்கள்
இவர்களுக்கு என் அஞ்சலி….
- நிலவன்
- 2010
