மௌனன் யாத்ரிகா – கேள்விகள்…பூவிதழ் உமேஷ் பதில்கள்

பூவிதழ் உமேஷ் :-சமகாலத்தில் உலகின் மிகச் சிறந்த கவிதைகள் தமிழில் எழுதப்பட்டுக் கொண்டிருக்கின்றன  தமிழில் கவிதையில் என்ன நடக்கிறது எப்படி இருக்கிறது என்பதை பற்றி பல கவிஞர்கள் பேசுகிறார்கள் இவையெல்லாம் தனித்தனி உரையாடல் ஆகவே எங்கோ காற்றோடு கலந்து விடுகிறது உண்மையில் பலரிடம் பேசும்போது கிடைக்கும் செய்திகளை ஆவணப்படுத்தி இருந்தால் மிகச்சிறந்த கவிதையியல் சார்ந்த ஒரு நூல் கிடைத்திருக்கும் என்று நான் நினைக்கிறேன்.

ஜனவரி முதல் தேதியில் ஏலகிரியில் நடந்த கவிதை சார்ந்த உரையாடல் என்னளவில் மிக முக்கியமானது என்று நான் நினைக்கிறேன் அதில்  எழுத்தாளர் சீனிவாசன் நடராஜன்  எழுத்தாளர் பா. வெங்கடேசன் கவிஞர் அமிர்தம் சூர்யா கவிஞர் பெரியசாமி கவிஞர் ஸ்டாலின் சரவணன் கவிஞர் ராம் சந்தோஷ்  ஆகியோருடன் நடத்திய உரையாடல் என் வாசிப்பையும் எழுத்தையும் கூர்மை ஆக்கியது அந்த உரையாடலின் வழியே நான் நிறைய தெரிந்து கொண்டேன்

கவிஞர் சித்துராஜ் பொன்ராஜ் அய்யப்பமாதவன் ஆகியோருடன் கவிதை சார்ந்து உரையாடும் போது நான் நிறைய தெரிந்து கொண்டேன் அதுமட்டுமின்றி சித்துராஜ் பொன்ராஜ் அவர்கள் எனக்கு திசைகாட்டி போல பல விஷயங்களை பலமுறை சுட்டிக்காட்டுகிறார். கவிஞர் விமர்சகர் இந்திரன் அவர்களிடம் கவிதை சார்ந்து இன்னும் எவற்றையெல்லாம் வாசிக்கவேண்டும் என்று கேட்ட பொழுது மிகச் சிறந்த வழிகாட்டியாக உதவியிருக்கிறார் .

கவிஞர் பெருந்தேவி அவர்களிடம் அவருடைய கவிதை சார்ந்து உரையாடும் பொழுது பல தெளிவுகளை பெற்று இருக்கிறேன் .

 கவிஞர் இளங்கோ கிருஷ்ணன் அவர்களிடம் பல விஷயங்களை கேட்டு தெரிந்து கொண்டிருக்கிறேன். நண்பர் பச்சோந்தியுடன் உரையாடும் போது அவருடைய கவிதைப் போக்கு மட்டுமல்லாமல் என்னுடைய கவிதைப் போக்கு சார்ந்தும் பல தகவல்களை வேறு ஒரு கோணத்தில் அறிந்து கொள்ள முடிந்தது.

கவிஞர் யாழன் ஆதி அவர்களுடன் கவிதை குறித்து பேசும்போது நல்ல உரையாடலுக்கான வெளி உருவாவதை நான் அறிந்து கொண்டேன்  கவிஞர் துரை கவிஞர் முத்து இராசகுமார் கவிஞர் பாரதிமோகன் போன்றோருடன் உரையாடும்போது பல்வேறு வகையான கவிதை குறித்த செய்திகளை நான் தெரிந்து கொண்டது எனது வாசிப்பையும் எழுத்தையும் மிகவும் கூர்மைப்படுத்தி இருக்கிறது இதுபோல் இன்னும் பலரிடம் உரையாடுவதற்கான வாய்ப்பு அமைந்தால் கவிதை கவிதையியல் சார்ந்த எனது பார்வையும் வாசிப்பும் எழுத்தும் மேலும் மேலும் சிறப்படையும் என்று உறுதியாக நம்புகிறேன்

உண்மையில் இந்த ஆண்டு தொடக்கத்தில் இருந்து நான் பேசிய மேற்கண்ட எல்லா கவிஞர்களும் எழுத்தாளர்களும் என் வாசிப்பையும் எழுத்தையும் சிந்தனையையும் மிகவும் கூர்மையாக்கி இருக்கிறார்கள் அவர்களுக்கு என்றும் நான் மிகுந்த அன்பு உடையவனாக இருப்பேன்.