ஆராரோ ஆரிராரோ
ஆரிராரோ ஆராரோ,
ஒ கண்ணோர குழி விழ,
கன்னம்மெல்லா மை வச்சேன்,
கன்னமொன்னுல குழி விழ
வண்ணமெல்லாமெடுத்து
வட்ட வட்ட பொட்டா வச்சேன்,
ஆராரோ ஆரிராரோ
ஆரிராரோ ஆராரோ,
ஆராரோ ஆரிராரோ
ஆரிராரோ ஆராரோ,
அந்தி வான நிறமெடுத்து
அம்மியில மையரச்சி
கண்ணமெல்லா பாலொழுக
வண்ணம் பூச நீயுறங்கு,
ஆராரோ ஆரிராரோ
ஆரிராரோ ஆராரோ,
ஆராரோ ஆரிராரோ
ஆரிராரோ ஆராரோ,
சிரிப்பெல்லா சேத்து வக்க
நீரோட நீர்க்குமிழி அள்ளிவந்தே
முத்து முத்தான ஒ சிரிப்புல
நீர் குமிழியெல்லா சிதற நீயுறங்கு,
ஆராரோ ஆரிராரோ
ஆரிராரோ ஆராரோ
பிறை நிலவே நீயுறங்கு
அரை நிலவே நீயுறங்கு,
ஆராரோ ஆரிராரோ
ஆரிராரோ ஆராரோ,
நட்சத்திர பொட்டே நீயுறங்கு
நட்டுவச்ச நாத்தே நீயுறங்கு,
ஆராரோ ஆரிராரோ
ஆரிராரோ ஆராரோ,
கரு விழிய இம மூட,
இரு விழிய நீ மூட
கண்ணுறங்கு
ஆராரோ ஆரிராரோ
ஆரிராரோ ஆராரோ,
அனிச்ச பூவே, ஆவார பூவே,
இலை நுனியே, ஈர நிலமே,
நித்திரையில நீயு சிரிக்க
சொப்பனத்துல நா கண்ணுறங்க
ஆராரோ ஆரிராரோ
ஆரிராரோ ஆராரோ,
ஆராரோ ஆரிராரோ
ஆரிராரோ ஆராரோ.
- நட்சத்திரா
