இங்கிலாந்தில் நடைபெறவுள்ள ஐ.சி.சி சம்பியன்ஸ் கிண்ண தொடரில் சம்பியன் பட்டம் வெல்வோம் என அவுஸ்ரேலிய கிரிக்கெட் அணியின் தலைவர் ஸ்டீவ் ஸ்மித் நம்பிக்கை வெளியிட்டுள்ளார்.
2006 மற்றும் 2009 ஆம் ஆண்டுகளில் சம்பியன் பட்டம் வென்ற அவுஸ்ரேலிய அணி இம்முறையும் மகுடம் சூட வேண்டுமென்ற முனைப்பில் கடுமையாக பயிற்சி மேற்கொண்டுவருகின்றது. இந்நிலையில் இத்தொடர் குறித்து ஸ்மித் கூறுகையில்,
“அவுஸ்ரேலிய அணி சம்பியன்ஸ் கிண்ண தொடரில் நல்ல சாதனைகளை படைத்து இருந்தது. அதை தக்க வைத்து கொள்வோம் என்று நம்புகிறோம்.
நாங்கள் கிண்ணத்தை வெல்வோம் என்ற நம்பிக்கை இருக்கிறது. அதில் தான் முழு கவனம் செலுத்தி வருகிறோம்.
கிரிக்கெட் விளையாடுவதற்கு இங்கிலாந்து அருமையான இடம். இப்போட்டி தொடர் எங்களுக்கு மிகவும் முக்கியமானது” என கூறினார்.
