இம்முறை உயர்தரப் பரீட்சை எழுதும் மாணவர்கள் ஆறுபேர் நீரில் மூழ்கி மரணமடைந்துள்ளனர்.
சம்பவம் தொடர்பாகத் தெரியவருவதாவது, மண்டைதீவு படகுத் தரிப்பிடத்திலிருந்து ஒரு படகினை எடுத்த மாணவர்கள் அப்படகில் பயணம் செய்துள்ளனர்.
இதன்போது படகு நீரில் மூழ்கி ஐவர் உயிரிழந்துள்ளனர். ஒருவரைக் காணவில்லை எனத் தெரிவிக்கப்பட்டபோது அவரது உடலும் தற்போது கண்டுபிடிக்கப்பட்டுள்ளது.
உயிரிழந்தவர்களின் சடலம் யாழ். போதனா வைத்தியசாலைக்கு கொண்டு வரப்பட்டுள்ளது. உயிரிழந்தவர்கள் நல்லூர், கொக்குவில் மற்றும் உரும்பிராய் பகுதியை சேர்ந்தவர்கள் என தெரிவிக்கப்படுகின்றது.
சம்பவம் தொடர்பாக காவல்துறையினர் விசாரணை நடத்தி வருகின்றனர்.
