நீட் தேர்வை எதிர்த்து உச்ச நீதிமன்றத்தில் வழக்கு தொடர்ந்த அரியலூர் மாணவி அனிதா, தனக்கு மருத்துவ சீட் கிடைக்காததால் மனமுடைந்து இன்று தற்கொலை செய்துகொண்டார். இதற்கு பல அமைப்பினர் போராட்டமும், அரசியல் வாதிகள் பல கருத்துக்களையும் தெரிவித்து வருகின்றனர்.
நடிகர் கமல் ஹாசன் மாணவி அனிதா தற்கொலைக்கு எதிராக அனைவரும் போராட வேண்டும் என்று கூறினார். இதனைத் தொடர்ந்து நடிகர் ரஜினிகாந்த் மாணவி அனிதாவின் தற்கொலை வேதனை அளிக்கிறது என்று டுவிட்டர் பக்கத்தில் கூறியுள்ளார்.
மாணவி அனிதா தற்கொலை குறித்து ரஜினி கூறுகையில், ‘மாணவி அனிதா மரணம் மிகுந்த வேதனையை தருகிறது. அனிதாவிற்கு நடந்தவை துரதிர்ஷ்டவசமானவை. தற்கொலைக்கு முன் அனிதா என்னவெல்லாம் நினைத்திருப்பாரோ என நினைத்து வேதனைப்படுகிறேன். அனிதாவின் குடும்பத்திற்கு ஆழ்ந்த இரங்கலை தெரிவித்துக்கொள்கிறேன்’ இவ்வாறு டுவிட்டரில் கூறியுள்ளார்.
