யாழ்ப்பாண மாவட்டம் காரைநகரில் கடற்படையினரின் படகொன்று மீனவர்களின் படகுடன் மோதி 42 வயது மதிக்கத்தக்க மீனவர் ஒருவர் பலியாகியுள்ளதுடன், ஒருவர்படுகாயத்துக்குள்ளாகியுள்ளார்.
இதனால் மீனவர்களின் படகு சேதமடைந்துள்ளதுடன், மீனவர்கள் இருவரும்கடலில் மூழ்கியுள்ளனர்.
இதனையடுத்து இரு மீனவர்களும் கடற்படையினரால் மீட்கப்பட்டு கடற்படை நோயாளர் காவுவண்டியூடாக யாழ் போதனா வைத்தியசாலைக்கு கொண்டுவரப்பட்டுள்ளனர்.
சம்பவத்தில் காயமடைந்த மீனவர் யாழ். போதனா வைத்தியசாலையில் சிகிச்சை பெற்று வருவதுடன் உயிரிழந்த மீனவரின் சடலம் யாழ். போதனா வைத்தியசாலையில் உடற்கூற்றுப் பரிசோதனைக்காக ஒப்படைக்கப்பட்டுள்ளது.
சம்பவம் தொடர்பான விசாரணையை யாழ். காரைநகர் காவல்துறையினர் மேற்கொண்டு வருகின்றனர்.
