கடந்த ஆண்டு கொக்குவில் குளப்பிட்டிச் சந்தியில் சிறிலங்கா காவல்துறையினரால் சுட்டுக்கொல்லப்பட்ட இரண்டு பல்கலைக்கழக மாணவர்களினதும் ஓராண்டு நினைவு நிகழ்வு யாழ். பல்கலைக்கழகத்தில் இன்று அனுட்டிக்கப்பட்டுள்ளது.
இந்நினைவு நிகழ்வினை யாழ். பல்கலைக்கழகத்தின் மாணவர் ஒன்றியம் ஏற்பாடு செய்திருந்தது.
இந்நிகழ்வில் பல்கலைக்கழக மாணவர்கள், விரிவுரையாளர்கள், பணியாளர்கள் உட்பட பலரும் கலந்துகொண்டு குறித்த மாணவர்களினது படங்களுக்கு மலர் தூவி அஞ்சலி செலுத்தினர்.
